ياعين كفي الدمع ع الخد نزال ...

السلام عليكم

ياعين كفي الدمع ع الخد نزال
ويادمع اهجر من هجرنا بغيابه

يمكن وليف الروح ف القلب لازال
ويمكن عتابي ماتغنى بعتابه

ياكيف ابنسى من سكن داخل البال
وياكيف ابترك قلب هاوي عذابه

وياكيف تهجر قلب باني لك امال
وياكيف تهجر درب ضمك ترابه

دام الهجر دربك توكل لك الفال
وبلغ خفوقـكـ يقـفـل الــــود بابه

حبك رميته دام في الحب محتال
واشتر بحبك قلب واخسر كسابه

ومن باعني ربي يعيقه بالاخبال
يبيع اهله وربعه ومن جاب جابه

انا عزيز النفس ومن باعني نال
نال الحزن واصبح بحالة كأبه

ياكيف من عقبي تغير به الحال
من شيخ في قلبي ملك مابغى به

والحين حاله يكسر القلب من حال
ويقطع الخافق من اللي طرى به

افهم ترى ولكل شيء(ن) له امثال
الحب ماهو ف الأغاني ولاعبه

الحب هو اخلاص ماهو باذلال
هي تضحية انسان للي عنى به

ما بين قلب وقلب شدات للحبال
حبل الموده للكلام وعتابه

وحبل التصافي والمحبه والأجلال
وحبل المأسي والهموم وكأبه

مابين قلب وقلب ابحور وجبال
يغرق بها العاتي اذا فك بابه

سويت له امثال وامثال وامثال
عشان يعرف قدرقربي من احبابه

شاعر وسوالك قصايد وتمثال
ورسم بك احلى المعاني في كتابه

ينهي قصيده بالنعي لجل الأذلال
ويترك حبيبه في زمان الكأبه

منقول

مشمكورررررررررررررر

يسلمووووووووووووو علي القصيدة المزيد

فعلاً قصيده رائعه..تستحق انه الواحد يقف عنها
معانيها جميله..والعتاب اللي فيها حنون برأيي
تقلبي مرورى
ابو وعد

يسلموووووووووووووووووووو علي المرور يا اطيب تاس في المنتدي

مشكووووووور علي الموضوع